Ərdoğanla Pezeşkian ABŞ-İran razılaşmasını müzakirə edib - Baku TV
Türkiyə Prezidenti Rəcəb Tayyib Ərdoğan iranlı həmkarı Məsud Pezeşkianla telefon danışığı aparıb və tərəflər ABŞ-İran razılaşmasını müzakirə ediblər.
Bu barədə məlumat Türkiyə Prezident Administrasiyasının Kommunikasiya İdarəsinin "X" sosial şəbəkə hesabında paylaşılıb.
Ərdoğan İran ilə ABŞ arasında əldə olunan razılaşmanı müsbət qiymətləndirdiyini bildirib. O qeyd edib ki, Türkiyə prosesin sülhlə nəticələnməsi üçün bütün mümkün dəstəyi göstərməyə hazırdır.
Türkiyə lideri danışıqlar prosesini pozmağa çalışan qüvvələrə qarşı diqqətli davranmağın vacibliyini vurğulayıb.
Ərdoğan yeni dövrdə regional sülhün və sabitliyin möhkəmləndirilməsi istiqamətində addımların atılmasının zəruri olduğunu deyib və Ankaranın bu məqsədə nail olunması üçün fəaliyyətini davam etdirəcəyini bildirib.
Telefon danışığı zamanı Türkiyə ilə İran arasında ticarət, maliyyə və enerji sahələrində əməkdaşlığın inkişaf etdirilməsi istiqamətində səylərin davam etdiriləcəyi də diqqətə çatdırılıb.
#Rəcəb Tayyib Ərdoğan teqi istifadə olunub
- Türkiyə Prezidentindən önəmli görüş | Nələr müzakirə edildi?
- Türkiyənin Milli Təhlükəsizlik Şurasının iclasında nələr müzakirə edilib?
- Türkiyə Prezidenti ABŞ-İran danışıqlarına toxunub
- Tarixi Şuşa Bəyannaməsinin imzalanmasından beş il ötür - Baku TV
- Tramp Türkiyə Prezidenti ilə bağlı sualı cavablandırıb
