Erməni valideynlər İrəvan polisinə qarşı çıxdı
İrəvanda 44 günlük müharibə zamanı itkin düşmüş hərbçilərin valideynləri Baqramyan prospektini bağlayaraq Ermənistanın Baş naziri Nikol Paşinyanla görüş tələb edirlər.
Bu barədə Ermənistan mediası məlumat yayıb.
“Tələbimiz yerinə yetirilməyənə qədər dağılmayacağıq. Bizim cəmi iki sualımız var – oğullarımızın taleyi və uzanan məhkəmə prosesi. Nə baş verdiyini bilmək istəyirik”, – deyən aksiya iştirakçıları qeyd ediblər ki, valideynlər beynəlxalq strukturlara və səfirliklərə müraciət etməyəcəklər, çünki onların suallarını şəxsən Ermənistanın Baş naziri cavablandırmalıdır.
Etirazçılara yaxınlaşan İrəvan polisi onlara Hərbi Əks-kəşfiyyat İdarəsinin rəisi polkovnik David Sanamyanla görüşməyi təklif edib. Lakin valideynlər onunla əvvəlki görüşün uğursuz olduğunu deyərək bundan imtina ediblər.
![icon](/images/loading.png)