Ermənilər ABŞ-ni necə bir-birinə qatdı? | “Ayı pəncəsi əməliyyatı”nın detalları

ABŞ-də ermənilərin ayı paltarı geyinərək sığorta şirkətlərindən 140 min dollardan çox vəsaiti mənimsəməsi ilə bağlı misli görünməmiş fırıldaqçılığın üstü açılıb.

“Ayı pəncəsi əməliyyatı” kod adı verilən istintaq fırıldaqçılıq sxemini aşkar edib.

“CBS News”un məlumatına görə, sığorta şirkətlərindən biri yanvar ayında eyni yer üçün bir neçə iddia təqdim edildiyini aşkar etdikdən sonra müstəntiqlər hadisəni araşdırmağa başlayıblar.

İddiaçılar sığorta şirkətlərinə avtomobillərinin salonuna ziyan vuran “ayının” görüntülərini təqdim ediblər. Yaşayış binasının yaxınlığında eyni yerdə çəkilən və heyvanın avtomobillərin içərisinə daxil olaraq sürünməsini göstərən videolar diqqətlə araşdırılıb. Məlum olub ki, kadrdakı heyvan əslində ayı kostyumu geyinən insandır.

Şübhələrinin əsaslı olduğuna əmin olmaq üçün müstəntiqlər Kaliforniya Vəhşi Təbiət Departamentinin bioloqlarından kömək istəyiblər. Mütəxəssislər saxta hücumları əks etdirən hər üç videoya baxaraq bunun aydın şəkildə ayı kostyumu geyinmiş insan olduğu qənaətinə gəliblər.

Qeyd edək ki, Ruben Tamrazyan, Ararat Çirkinyan, Vahe Muradxanyan və Alfiya Tsukerman həbs edilib. Onların hər birinə sığorta dələduzluğu və sui-qəsd ittihamları irəli sürülüb.