Ermənilər Fransada 2 etirazçını qətlə yetirdi

Fransada ermənilər aksiya keçirən fermerləri avtomobillə vurublar, ölən və yaralananlar var.

Hadisə Tuluza şəhərinin cənubundakı Pamiers kommunasında baş verib. Avtomobillə yüksək sürətlə hərəkət edən şəxslər 3 etirazçını vurub. Nəticədə 35 yaşlı qadın və onun 14 yaşlı qızı ölüb. Həyat yoldaşı isə ağır xəsarət alıb. Qəzadan sonra avtomobildə olan 3 nəfər nəzarətə götürülüb.

Fransa mediasında bildirilib ki, cinayəti törədənlər Ermənistan vətəndaşları olublar. Onlar 2022-ci ildən qaçqın statusu almaq istəyiblər, lakin 2023-cü ilin payızında imtina cavabı alıblar və barələrində ölkəni tərk etmək əmri verilib.

Öldürülən qadın etirazlara rəhbərlik edən fermerlər birliyinin üzvü olub. Polis etiraz aksiyası keçirən fermerlərin qəsdən vurulub-vurulmadığını araşdırır.

Qeyd edək ki, Fransada fermerlər hökumət qarşısında vergilərin azaldılması ilə bağlı tələb qoyaraq etiraz aksiyaları keçirirlər. Bunun üçün saman yüklənmiş traktorlarla əsas yollarda barikadalar qurublar.