Ermənistan Avropa Birliyinə üzv olacaq? | Simonyan danışdı
“Ermənistanın Kollektiv Təhlükəsizlik Müqaviləsi Təşkilatından çıxmaq qərarı yoxdur”.
Bu barədə brifinqdə ölkə parlamentinin spikeri Alen Simonyan açıqlama verib.
Deyib ki, rəsmi İrəvan sadəcə ölkə üçün mümkün variantları müzakirə edir:
“Heç bir vektorun dəyişdirilməsi və ya buna bənzər bir şeydən söhbət getmirdi. Biz Ermənistanı təhdid edə biləcək təhlükələri azaltmaq üçün nə etməli olduğumuzu müzakirə edirik. KTMT-dən çıxmaq barədə qərar yoxdur, amma biz bunu istisna etmirik. Cəmiyyətimiz də bundan danışır, deyə bilərik ki, belə bir tələb irəli sürür”.
Spiker həmçinin Ermənistan-NATO əlaqələrindən də danışıb. Deyib ki, rəsmi İrəvan heç vaxt Alyansda olmaq imkanını müzakirə etməyib, lakin Avropa İttifaqı ilə münasibətləri gücləndirir. Onun sözlərinə görə, Ermənistan Aİ üzvlüyünə namizəd olmaq imkanları barədə düşünməlidir.