Ermənistan dünyadan kənarda da dinc dayanmadı | Paşinyana qəti tələb

Dünyanın bir sıra ölkələri Ermənistanın Baş naziri Nikol Paşinyandan "Hayasat-1" və "Armsat-1" peyklərini orbitdən geri qaytarmağı tələb ediblər.

Buna həmin aparatların digər dövlətlərin cihazlarının işinə mane olması səbəb olub.

Bu barədə erməni mediası məlumat yayıb. Qeyd olunub ki, Kaliforniyadakı Vandenberq Hərbi Hava Qüvvələri bazasından "SpaceX" şirkətinin "Falcon 9" raketi ilə kosmosa buraxılan sözügedən peyklər digər ölkələr üçün problemə çevrilib və onların fəaliyyətini, proqramlarını pozub.

Məlumata görə, peyklərin buraxılması düzgün hesablanmayıb və qeyri-peşəkar şəkildə həyata keçirilib. Nəticədə müxtəlif ölkələrin hökumətləri Nikol Paşinyana müraciət ünvanlayaraq öz etirazlarını bildiriblər.

Ermənistan mətbuatının yazdığına görə, ölkənin yüksək texnologiyalar sənayesi nazirinin müavini Avet Poqosyanın iyulun 3-də qəfil işdən çıxarılması da məhz bu hadisə ilə bağlıdır. Etirazlar nəticəsində N.Paşinyan Avet Poqosyanı Ermənistanın Yüksək Texnologiyalar Sənayesi Nazirliyindəki vəzifəsindən uzaqlaşdırmaq məcburiyyətində qalıb.

Məlumat üçün bildirək ki, A.Poqosyan 2018-ci ilə qədər ABŞ-də taksi sürücüsü işləyib, sonra Ermənistanda yüksək vəzifəyə gətirilərək rabitə və kosmos sahəsində fəaliyyətləri koordinasiya edib.