Ermənistan KTMT-dən imtina edir? - Gizlədilən sirlər və rəsmi açıqlama

01 aprel 2025 404 baxış

Ermənistan “Kollektiv Təhlükəsizlik Müqaviləsi Təşkilatının 2024-cü il büdcəsi haqqında” qərarı imzalamaqdan imtina edib və təşkilatın fəaliyyətinin maliyyələşdirilməsində iştirak etməyəcək.

Bu barədə ölkə mətbuatında Xarici İşlər Nazirliyinin bəyanatına istinadən məlumat verilib.

Bildirilib ki, KTMT-nin daxili prosedurlarına əsasən, illik büdcə haqqında məlumat ictimaiyyətə açıqlanmır.

Daha əvvəl Rusiya xarici işlər nazirinin müavini Aleksandr Pankin Ermənistanın 2025-ci ilin sonuna qədər üzvlük haqqını ödəməyəcəyi təqdirdə KTMT-yə üzv dövlətlərin vəziyyətin inkişafı üzrə müxtəlif ssenarilərin nəzərdən keçirilə biləcəyini deyib.

Xatırladaq ki, Ermənistan ötən ilin mayında təşkilatın 2024-cü il büdcəsini maliyyələşdirməkdən imtina etdiyini rəsmən elan edib. Buna baxmayaraq, KTMT nümayəndələri 2025-ci il üçün ianə məbləğinin yenə də hesablanacağını bildiriblər.

#Ermənistan XİN