Dünya
Pleyeri seçin:
Ermənistan KTMT PA-nın bəyanatına qoşulmadı
Ermənistan KTMT Parlament Assambleyasının Moskvada “Crocus City Hall” ticarət mərkəzindəki terror aktını pisləyən bəyanatına qoşulmayıb.
Bu barədə məlumatı Ermənistan parlamentinin spikeri Alen Simonyanın mətbuat katibi Nelli Qulyan açıqlayıb.
O bildirib ki, rəsmi İrəvana bəyanata qoşulmaq təklif edilib. Lakin ölkə təşkilatda öz iştirakını dondurduğundan təklif qəbul edilməyib.
O vurğulayıb ki, ölkənin bəyanata qoşulmaqdan imtina etməsi yalnız KTMT faktoru ilə bağlıdır.
“Faciəyə gəldikdə isə spiker öz “Telegram” kanalında başsağlığı verib, spikerin müavini Akop Arşakyan isə Cenevrədə Parlamentlərarası Assambleyasının sessiyasında çıxış edərkən terror aktını qınayıb”, – deyə Nelli Qulyan qeyd edib.
Kopyalandı
Seçilmişlər
