Ermənistan MTX Parlament binasını mühasirəyə aldı | İrəvanda gərginlik

Ermənistanda qanunla nəzərdə tutulmuş bütün vasitələrdən istifadə etməklə istənilən qanunsuz davranış zərərsizləşdiriləcək.

Bu barədə ölkənin Milli Təhlükəsizlik Xidmətinin "Vətən naminə Tavuş” hərəkatının tərəfdarlarına və iştirakçılarına xəbərdarlığında qeyd olunub.

Milli Təhlükəsizlik Xidməti adıçəkilən hərəkatın iştirakçı və tərəfdarlarını konstitusiya quruluşunun qorunması çərçivəsində qanunun aliliyinə hörmət etməyə və qanuna müdaxilə etməməyə çağırıb.

Xatırladaq ki, keşiş Baqrat Qalstanyanın paytaxtın mərkəzində başlatdığı aksiya üçüncü gündür ki, davam edir. İştirakçıların sayı az olsa da, onlar mərkəzi prospektlərdən birini bağlayaraq çadırlar qurublar, o cümlədən parlamentin qarşısına toplaşıblar. Artıq hüquq-mühafizə orqanlarının əməkdaşları binanı mühasirəyə alıblar.