Ermənistan polisi hərəkətə keçdi | Xəsarət alanlar var

Ermənistan parlamentinin binası yaxınlığında polis səs bombalarından istifadə etməyə başlayıb.

Bundan əvvəl parlament binasının yanındakı parkda izdiham yaşanıb. Polis etirazçıları ərazidən uzaqlaşdırmağa çalışıb.

Baş nazir Nikol Paşinyanın Ermənistan parlamentinin binasını tələsik tərk etdiyi də bildirilir. Hadisəyə münasibət bildirən Baş nazir Nikol Paşinyan polisin qanun çərçivəsində hərəkət etdiyini deyib. İrəvanda keçirilən etiraz aksiyası zamanı 86 nəfər saxlanılıb.

Bu barədə Ermənistan Daxili İşlər Nazirliyi məlumat yayıb.

İlkin məlumatlara görə, 6 polis əməkdaşı yaralanıb. Ermənistan Səhiyyə Nazirliyinin məlumatına görə isə İrəvanın Baqramyan prospektində etiraz aksiyası dağıdılandan sonra 55 nəfər həkimə müraciət edib.

Qeyd edək ki, daha əvvəl Ermənistan Daxili İşlər Nazirliyi İrəvanda keçirilən aksiyanın təşkilatçılarını və iştirakçılarını toqquşmalara səbəb olan qanunsuz hərəkətlərdən çəkinməyə çağırıb.