Ermənistan Qarabağ ermənilərini qəbul edəcək: Paşinyan açıqladı

“Ermənistan Qarabağ ermənilərinin təhlükəsizliyini təmin etmək üçün bütün beynəlxalq mexanizmlərin formalaşdırılması üzərində işləyir. Lakin bu səylər konkret nəticə verməsə, o zaman hökumət onları ölkədə qəbul etməyə hazırdır”.

Bunu Ermənistanın Baş naziri Nikol Paşinyan deyib.

“Bizim iştirak etdiyimiz xarici təhlükəsizlik sistemləri Ermənistanın təhlükəsizliyi və dövlət təhlükəsizliyi baxımından effektiv deyil. Ölkənin xarici və daxili təhlükəsizlik alətlərini dəyişdirmək üçün əlavələr etmək lazımdır. Ermənistan öz müstəqilliyini qorumaq üçün hər şeyi edəcək. Biz qarşılıqlı faydalı birgə işə hazır olan bütün tərəfdaşlarla əməkdaşlıq etməliyik.

Biz 2022-ci ilin ilin dekabrında Roma Əsasnaməsini ratifikasiya etmək qərarına gəldik. Məhz o zaman anladıq ki, KTMT və Ermənistan-Rusiya strateji tərəfdaşlıq alətləri bizim xarici təhlükəsizliyimizi təmin etmək üçün kifayət etmir. Biz heç vaxt müttəfiqlərimizə xəyanət etməmişik. Lakin müttəfiqlərimiz təhlükəsizlik zəifliyimizdən istifadə edərək etika, əxlaq, öhdəlik və müqavilələrə zidd olaraq qeyri-dost hərəkətlər nümayiş etdirirlər”, – o qeyd edib.