Dünya
Pleyeri seçin:
Ermənistan səfiri Rusiya XİN-ə təcili çağırıldı
Ermənistan səfiri Rusiya Xarici İşlər Nazirliyinə çağırılıb.
Məlumata görə, İrəvanın qeyri-dost hərəkətləri fonunda ona etiraz notası təqdim edilib. Rusiya tərəfi Ermənistan səfirinə bloger Mikael Badalyanın və “Sputnik Ermənistan”ın köşə yazarı Aşot Gevorkyanın saxlanmasından narahatlığını bildirib.
Həmçinin Ermənistan parlamentinin sədri Alen Simonyanın Rusiya Xarici İşlər Nazirliyinin rəsmi nümayəndəsi Mariya Zaxarovaya ünvanladığı bəyanatlara görə Ermənistan səfirinə etiraz notası təqdim edilib.
Rusiya Xarici İşlər Nazirliyinin məlumatında deyilir ki, Moskva Rusiya və Ermənistanın müttəfiq olaraq qalmasından çıxış edir. Rusiya Federasiyası bundan sonra da Ermənistan və Azərbaycan arasında razılaşmaların yerinə yetirilməsini təmin etmək üçün bütün səylərini göstərəcək.
Kopyalandı
Seçilmişlər
