Ermənistanda etirazçıların böyük planı suya düşdü | Saxlanılanlar var

Ermənistanda tanınmış müğənni Aykaram Qevondyanın oğlu Hraçya Qevondyan saxlanılıb.

Ölkənin İstintaq Komitəsindən bildirilib ki, Hraçya Qevondyan bir qrup şəxslə hökumət, parlament və polis binalarını zorakılıqla ələ keçirməyi planlaşdırmaqda ittiham edilir.

Onun 26 may mitinqi zamanı bu hərəkətləri etmək niyyətində olduğu vurğulanıb. Ermənistan mətbuatında H.Qevondyanın apardığı telefon danışıqlarının qeydə alınması əsasında saxlanıldığı qeyd edilib.

Məlumatda o da bildirilib ki, H.Qevondyan müxalif parlament fraksiyasının nümayəndələrindən biri ilə yaxın münasibətdədir. İstintaq Komitəsinin yaydığı bütün videokadrlarda H.Qevondyanın Ermənistanın sabiq prezident Robert Koçaryanın oğlu, deputat Levon Koçaryanın yanında olduğu görünür.

Qeyd edək ki, Hraçya Qevondyan artıq bir neçə ildir Ermənistanda Baş nazir Nikol Paşinyana qarşı keçirilən etiraz aksiyalarında aktiv şəkildə iştirak edir.