Ermənistanda İrana məxsus avtobus aşdı

Ermənistanda İrana məxsus dövlət nömrə nişanlı avtobus dərəyə aşıb.

Bu barədə Ermənistan Daxili İşlər Nazirliyi məlumat yayıb.

Hadisə Gorus-Qafan yolunda baş verib. Qəza yerinə əməliyyat qrupu və xilasetmə briqadası cəlb olunub.

Hadisə nəticəsində ölənlərin sayı 5-ə, yaralıların sayı isə 9 nəfərə çatıb. Avtobusun İrandan gəldiyi bildirilir.

Ərazidə xilasetmə işləri davam edir. Faktla bağlı araşdırma aparılır.