Ermənistanda qanlı gecə | Görün kimlərə güllə “yağdırdılar”

Ermənistanın Armavir vilayətində, Merdzavan yaşayış məntəqəsi yaxınlığında baş vermiş qanlı atışmanın tükürpədici detalları məlum olub. "Qanlı gecə" kimi xarakterizə olunan hadisə zamanı iki nəfər qətlə yetirilib, bir nəfər isə ağır yaralanıb. Ölənlərdən biri Parakar icmasının rəhbəri, müxalif mövqeyi ilə tanınan Volodya Qriqoryan, digəri isə onun yaxın dostu, məzuniyyətdə olan polis əməkdaşı Karen Abraamyandır. İlkin məlumatlara görə, cinayəti törədən şəxs hadisə yerindən qaçıb və hazırda axtarışdadır. Ermənistanın Baş naziri Nikol Paşinyan baş verənləri qınasa da, ölkədə kriminogen vəziyyətin gərginləşməsi ciddi suallar doğurur. Baku TV-nin xüsusi materialında hadisənin siyasi motivli olub-olmadığı və Ermənistanda artan daxili gərginlik fonunda baş verən bu sui-qəsdin pərdəarxası məqamları təhlil edilir.