Ermənistanın məlumat bazası 48 saata məhv ediləcək? | Cinayətkarlar bunu tələb etdi

Rusiyanın haker qruplarından biri FTP ötürmə sistemi vasitəsilə Ermənistanın Baş naziri Nikol Paşinyanın aparatının məlumat bazasına sızdığını iddia edir.

Ölkə mediasının yaydığı məlumata görə, kibercinayətkarlar hökumətdən onların hesabına 2,5 milyon dolların köçürülməsini tələb ediblər. Əks təqdirdə isə bazanın növbəti 48 saat ərzində məhv ediləcəyini bildiriblər.

Qeyd edək ki, 2024-cü ilin iyun ayında Ermənistan Prezidenti, Baş naziri və hüquq-mühafizə orqanlarının rəsmi saytlarına keçirilən hücumların da sözügedən qrup tərəfindən təşkil edildiyi güman olunur.