Fələstin və İsrail üçün regional təşkilat yaradıla bilər

22 sentyabr 2025 283 baxış

Fransanın xarici işlər naziri Jan-Noel Barro Fələstin məsələsinə dair mövqeyini açıqlayıb.

Nazir bildirib ki, Fələstinin tanınması HƏMAS-dan tam imtina deməkdir və bu addım terror və zorakılığı rədd edən fələstinlilərə bəraət qazandırır.

Onun sözlərinə görə, sentyabrın 12-də Fransa BMT-nin ilk dəfə HƏMAS cinayətlərini mühakimə etməsinə nail olub. Nəticədə, BMT HƏMAS-ın dərhal tərk-silah olunmasını və Qəzzanın idarəetməsindən uzaqlaşdırılmasını tələb edib.

Jan-Noel Barro həmçinin vurğulayıb ki, İsrailin ətrafındakı ərəb ölkələri gələcəkdə həm Fələstin, həm də İsrailin üzv olacağı regional təşkilata qoşulmaq niyyətindədir.

Nazir jurnalistin israilli girovların azad edilməsi və HƏMAS-ın süqutuna dair sualını da cavablandırıb.

O deyib ki, bunun reallığa çevrilməsi müəyyən zamana bağlıdır və diplomatik münasibətlərin qurulmasını, eləcə də girovların azad olunması kimi bir sıra faktorları tələb edir.

#Fransa XİN