Fələstini dövlət kimi tanımaq məsələsi mübahisələri gücləndirdi

“Nyu-York konfransı 2 dövlətli həllin həyata keçirilməsi üçün dönüş nöqtəsi olmalıdır. 2 dövlətli siyasi həll israillilərin və fələstinlilərin sülh və təhlükəsizlik şəraitində yaşaması üçün qanuni istəklərinə cavab verməyə kömək edəcək. Alternativ yoxdur”.

Jan-Noel Barro bu sözləri BMT-də Səudiyyə Ərəbistanı və Fransanın həmsədrliyi ilə Qəzza böhranı ilə bağlı təşkil edilən konfrans zamanı deyib.

123 ölkənin iştirak etdiyi konfrans Avropanın digər ölkələrinin Qəzza ilə bağlı hərəkətə keçmələri fonunda keçirilir. Məsələn, Almaniya İordaniya ilə birlikdə Qəzza zolağına humanitar yardım çatdırmaq üçün “hava körpüsü” yaradacaq.

NOS telekanalı məlumat yayıb ki, Niderland 2 israilli naziri “persona-non-grata” elan edib.

The Times isə xəbər verib ki, Böyük Britaniyanın Baş naziri Kir Starmer rəhbərlik etdiyi hakim İşçi Partiyasının artan təzyiqi ilə Fələstin dövlətinin tanıdılması planını təqdim edəcək.

Maraqlıdır, İsrail və ABŞ-nin razılaşmadığı Fələstin dövləti məsələsində niyə Avropa ölkələri fərqli mövqe tutub?