Əfqanıstan rəhbərliyi Rusiyaya minlərlə fəhlə göndərmək istəyir

Əfqanıstan rəhbərliyi Moskvaya rəsmi şəkildə Mərkəzi Asiyadan gələn miqrantların əfqan işçilərlə əvəz olunmasını təklif edib.

Bu barədə xarici mediaya istinadən məlumat verilib.

Kabil bəyan edib ki, ölkə Rusiyanın kənd təsərrüfatına minlərlə fəhlə göndərməyə hazırdır və gələcəkdə onların kuryer, taksi sürücüsü və müxtəlif sahələrdə işçi kimi fəaliyyət göstərməsi mümkündür.

“Taliban” hökumətinin nümayəndələri bildiriblər ki, əfqan vətəndaşlarının Rusiyada işləməsi həm iqtisadi münasibətləri gücləndirəcək, həm də Əfqanıstanda işsizliyin azaldılmasına yardım edəcək.

Ekspertlər isə qeyd edirlər ki, Moskvanın bu təklifə necə reaksiya verəcəyi hələlik məlum deyil. Rusiya hazırda əmək çatışmazlığı, miqrasiya siyasətində qeyri-müəyyənlik və təhlükəsizliklə bağlı risklər fonunda seçim qarşısındadır.

Bəzi müşahidəçilər bunu “imtina edilməsi çətin olan təklif” kimi qiymətləndirirlər.