Fransa müdafiə naziri Makronun dediklərinə aydınlıq gətirdi

"ABŞ Ukraynaya qoşun göndərməyəcək".

Bu barədə Ağ Evin Milli Təhlükəsizlik Şurasının nümayəndəsi Edrien Uotson söyləyib.

Onun sözlərinə görə, Bayden ABŞ-nin Ukraynaya döyüşmək üçün qoşun göndərməyəcəyini açıq şəkildə deyib.

Qeyd edək ki, daha öncə Fransa Prezidenti Emmanuel Makron Ukraynaya qoşunların göndərilməsinin mümkünlüyünü bildirib.

Bu arada, Fransanın müdafiə naziri Sebastyen Lekornü isə deyib ki, Emmanuel Makron Ukraynaya döyüşmək üçün qoşun göndərməkdən danışmayıb. Onun sözlərinə görə, bu, Rusiyaya qarşı müharibə aparmaq üçün qoşun göndərmək deyil.

Nazir bildirib ki, fevralın 26-da Parisdə keçirilən konfrans zamanı Avropa liderləri Ukraynaya yardımı artırmaq üçün müxtəlif ideyalar təklif ediblər, o cümlədən Ukraynada minalardan təmizləmə yardımının genişləndirilməsi və Ukrayna qoşunları üçün təlimlərin artırılması. Onun sözlərinə görə, bu cür tədbirlərlə bağlı konsensus əldə olunmayıb.