Fransa yenidən güc tətbiq edir | Martinik adasında etirazlar güclənir

Fransa hakimiyyəti polisin xüsusi təyinatlı qüvvələrini etirazların yatırılması üçün bahalaşmaya qarşı nümayişlərin keçirildiyi Martinik adasına göndərib.

Məlumatda bildirilib ki, 2021-ci ildə yaradılan “CRS 8” bölüyü xüsusisilə nümayişlərin yatırılması üzrə ixtisaslaşıb. Bundan əvvəl Martinik hakimiyyəti qiymət artımına qarşı nümayişlərdən sonra paytaxt Fort-de-Frans şəhərinin və Lamentin kommunasının bir neçə bölgəsində komendant saatı tətbiq edib.

Fransa Milli Statistika və İqtisadi Tədqiqatlar İnstitutunun (INSEE) məlumatına görə, Martinikdə qiymətlər, xüsusilə ərzaq Fransa və Avropa ilə nisbətdə 40% bahadır.

Nümayişçilər magistral yolların ortasında barrikadalar qurublar, aclıqdan əziyyət çəkən yerli əhali adanın əsas limanına daxil olaraq qida ilə dolu bir neçə konteyneri açıb insanlara paylayıblar.