Fransadakı seçkinin nəticələri kimlər üçün fəlakət oldu?

Fransada keçirilən parlament seçkilərinin ilk turu gözlənildiyi kimi neofaşistlərin qələbəsi ilə başa çatdı.

Seçkilərdə radikal sağçı Marin Le Penin Milli Birlik Partiyası 32 faiz səslə birinci, Jan Lük Melanşonun solçu Yeni Xalq Cəbhəsi 29 faiz səslə ikinci, prezident Emmanuel Makranonun liderlik etdiyi koalisiya isə 21,5 faiz səslə üçüncü olub.

Seçkilərin nəticələri sürpriz olmadı və Fransa siyasətində ultra sağçıların yüksəlişi gözlənilən idi. Solçu qüvvələr arasında isə üstünlük tamamilə J.L.Melanşonun əlindədir.

Beləliklə, növbəti seçkilər 3 qüvvənin fransız siyasətindəki aparıcılığını təsdiqlədi – nüfuzu artmaqda olan ultra sağçılar, toparlanmağa çalışan sol mərkəz və nüfuzu yerlə bir olan mərkəzçi makronistlər.

Xarici siyasətdə olduğu kimi daxili siyasətdə də kifayət qədər ciddi səhvlərə yol verən E.Makron böyük ehtimalla ikinci turda Yelisey sarayını tərk edəcək. O, ya yeni hökumətdə J.L.Melanşonun koalisiyasına daxil olacaq, ya da Le Penin sərt təzyiqinə məruz qalacaq.

Əgər ikinci tur seçkilərində də eyni nəticə əldə olunsa, o zaman Fransada yeni hökuməti radikal sağçılar quracaqlar. Bu isə nəinki Fransanın, ümumilikdə Avropa və dünya siyasətinə ciddi təsir edəcək hadisədir.