Fransanın canına qorxu düşdü | Terror təhlükəsi elan edildi

Fransa Milli Müdafiə Şurasının iclasından sonra ölkədə terror təhlükəsi ən yüksək səviyyədə elan edilib.

Bu barədə Fransanın Baş naziri Qabriel Attal sosial şəbəkə hesabında yazıb.

Qeyd olunub ki, buna səbəb martın 22-də Moskvadakı “Crocus City Hall”da baş verən terror aktıdır. Sözügedən hadisədən sonra Fransa Pezidenti Yelisey sarayında Milli Müdafiə və Təhlükəsizlik Şurasının iclasını çağırıb.

“İslam Dövləti” terror qruplaşması hücuma görə məsuliyyəti öz üzərinə götürdüyünə görə və ölkəmizin üzləşdiyi təhdidlərlə əlaqədar olaraq terror təhlükəsi səviyyəsinin yüksəldilməsi qərara alınıb”, – deyə Baş nazir qeyd edib.