Gizli ehtiyatlar üzə çıxdı | İran yenidən hücuma hazırlaşır? - Baku TV

İran ABŞ və İsraillə silahlı qarşıdurma başlamazdan əvvəl mövcud olan hərbi potensialının 70 %-dək hissəsini bərpa etmək iqtidarındadır.

Bu barədə "The New York Times" yerli ekspertlərə istinadən yazıb.

Materialda qeyd olunub ki, bir neçə həftə davam edən aktiv raket hücumlarından sonra İran hələ də zərbə pilotsuz uçuş aparatları ehtiyatının təxminən 40 %-nə və raket buraxılış qurğularının 60 %-dən çoxuna sahibdir.

Nəşr bildirib ki, bu həcmdə silah gələcəkdə Hörmüz boğazından gəmilərin keçidini bloklamaq üçün tamamilə kifayət edir.

"İranın raket ehtiyatlarının qiymətləndirilməsindəki fərqlərə baxmayaraq, Amerika qurumlarının nümayəndələrinin fikirləri bir məsələdə üst-üstə düşür: İran ehtiyac yaranarsa, regionda dəniz gəmiçiliyini iflic etmək üçün kifayət qədər silaha malikdir", – deyə məqalədə vurğulanıb.

Bu arada İran parlamentinin rəhbəri Məhəmməd Bağır Qalibaf Tehranın Hörmüz boğazı ilə bağlı mövqeyində dəyişiklik olduğunu, lakin hələ də bəzi məsələlərdə fikir ayrılıqlarının qaldığını etiraf edib.

"Elə məsələlər var ki, biz onlarda israrlıyıq. Onların da qırmızı xətləri mövcuddur. Amma bu fikir ayrılıqları cəmi bir və ya iki məsələ ilə bağlıdır", – deyə Qalibaf qeyd edib.