“Görünür, dörd tərəf də danışıqlardan razıdır” | Barak Ravid

İsveçrədə ABŞ və İran arasında keçirilmiş danışıqların detallarını açıqlanıb.

Bu barədə ABŞ-nin "Axios" portalının müxbiri Barak Ravid mənbəyə istinadən məlumat verib.

Onun sözlərinə görə danışıqların mövzuları arasında Livanda atəşkəs rejiminə əməl olunmasının təmin edilməsi və Hörmüz boğazında gəmiçilik məsələsi də olub.

"Amerikalı diplomat bildirib ki, "Livanda münaqişənin nizamlanması mexanizmi və atəşkəsə əməl olunmasının təmin edilməsi" gün ərzində diqqət mərkəzində olan mövzulardan biri olub. ABŞ, İran və vasitəçilər həmçinin Hörmüz boğazını və onun bağlanması ilə bağlı son İran bəyanatlarını da müzakirə ediblər. Biz bu istiqamətdə yaxşı irəliləyiş əldə etdik. Görünür, hər dörd tərəf bugünkü danışıqlardan razıdır", – deyə jurnalist amerikalı diplomatdan sitat gətirib.

Digər məsələlərlə yanaşı, Vaşinqton və Tehran arasındakı "nüvə sazişinin bütün elementləri" də müzakirə edilib. O əlavə edib ki, siyasi səviyyədə danışıqlar başa çatdıqdan sonra texniki qrupların İsveçrədə qalacağı və müzakirələri davam etdirəcəyi gözlənilir.