Gürcüstan Qərbin təhdidlərinə məhəl qoymayıb bunu etdi | Rusiyadan Gürcüstana təbrik

“Gürcü deputatlar “Xarici agentlər haqqında” qanunu imzalamaqla ABŞ və Avropa Birliyinin təhdidlərinə baxmayaraq, öz mövqelərini müdafiə edə və ölkənin inkişafı lehinə seçim edə bildilər”.

Bunu Rusiya Dövlət Dumasının MDB işləri üzrə komitəsinin sədr müavini Artyom Turov deyib.

“Gürcüstan hakimiyyəti öz suverenliyini gücləndirmək üçün mühüm addım atıb ki, kənar qüvvələrin təsirinə məruz qalmasın, Qərb ölkələrinin bir sıra siyasətçilərinin istədiyi kimi deyil, məhz gürcü xalqının istədiyi kimi inkişaf etsin. Qanun yeni qəbul olunanda reaksiyanı gördük, avropalı siyasətçilərdən, ABŞ-dən hansı təhdidlər var idi. Amma gürcü parlamentarilərini öz mövqelərini müdafiə etdiklərinə və gələcək üçün seçim etdiklərinə görə təbrik etməliyik”, – A.Turov bildirib.