Gürcüstanda etirazların növbəti dalğası gözlənilir

Gürcüstan parlamenti “Xarici agentlər haqqında” qanun layihəsini geri götürsə də, Tbilisidə etirazlar davam edəcək. Bu barədə müxalifət partiyaları məlumat yayıb.

“Hökumətin qanun layihəsini hansı şərtlə geri götürməsi bizim üçün hələ qeyri-müəyyəndir. Bu məsələyə aydınlıq gətirilməlidir”, - deyə məlumatda qeyd edilib.

Məlumata görə, fəallar martın 9-u yerli vaxtla saat 19:00-da parlament binasının qarşısında toplaşacaqlar.