HƏMAS daha iki israilli girovun cəsədini qaytara bilər

HƏMAS daha iki girovun cəsədini İsrailə qaytara bilər.

Bu barədə "The Times of Israel" qəzeti məlumat yayıb.

Qeyd olunub ki, İsrail ölən vətəndaşları qəbul etməyə hazırlaşır, lakin HƏMAS hələlik bunu rəsmi olaraq açıqlamayıb. Hazırda Qəzza zolağında həlak olan 13 israilli girovun cəsədi qalmaqdadır.

Bu arada Misir ölən israilli girovların cəsədlərinin axtarışına kömək etmək üçün Qəzza zolağına xüsusi qrup göndərəcək.

Bu barədə Misirin "Əl-Qahira Əl-İxbariya" televiziya kanalı məlumat verib.

Kanalın mənbələrinə görə, bölgəyə bu iş üçün lazımi avadanlıqlar da göndəriləcək. İsrail Ordusu isə Qəzza zolağının mərkəzi hissəsinə raket zərbəsi endirib. Bu barədə Ordunun mətbuat xidməti məlumat yayıb.

Məlumata görə, hücum müəyyən bir hədəfə yönəlib. Məqsəd Nuseyrat qaçqın düşərgəsi yaxınlığındakı "İslami Cihad" hərəkatının silahlı bir üzvünü məhv etmək olub.

İsrail tərəfinin məlumatına görə, həmin şəxs İsrail Müdafiə Qüvvələrinin qoşunlarına qarşı hücum planlaşdırıb.