Hansı ölkələrə əlavə 10% rüsum tətbiq ediləcək? | Trampdan sərt hədə

07 iyul 2025 386 baxış

ABŞ Prezidenti Donald Tramp BRICS siyasətini dəstəkləyən ölkələrə qarşı əlavə 10 faiz ticarət rüsumlarının tətbiq ediləcəyi barədə xəbərdarlıq edib.

O, "Truth Social" platformasında yazıb ki, BRICS-in anti-Amerika siyasətini dəstəkləyən istənilən ölkəyə qarşı 10 faiz əlavə rüsumlar tətbiq ediləcək, istisna olmayacaq.

D.Tramp dünya ölkələri üçün 3 ay boyunca müvəqqəti dayandırılan tarifləri barədə bildirib ki, ABŞ yaxın günlərdə bir neçə ticarət sazişini yekunlaşdıracaq və iyulun 9-na kimi ölkələrə yüksək tarif dərəcələri barədə məlumat verəcək. Yeni tariflər avqustun 1-dən qüvvəyə minəcək.

İndiyə qədər D.Tramp yalnız üç ölkə ilə sövdələşmələr elan edib: 10 % tarif dərəcəsini saxlayan Böyük Britaniya, əksər mallar üçün rüsumları 145 %-dən 30 %-ə qədər müvəqqəti dayandıran Çin və Vyetnamdan gələn mallara minimum 20 % tarif.

Qeyd edək ki, ABŞ Prezidentinin rüsum xəbərləri fonunda Avropa səhmləri ucuzlaşıb.

#ABŞ