Hizbullah liderinin nəvəsi Livanda qətlə yetirildi

Martın 2-də İsrailin Livanın cənubuna endirdiyi hava zərbələri nəticəsində 6 “Hizbullah” üzvü öldürülüb.

Bu barədə Suriyanın “Paytaxtın Səsi” xəbər saytı məlumat verib.

Bildirilib ki, həlak olanlar İmam Hüseyn briqadasının üzvləridir və onların arasında rabitə qrupunun komandiri Abbas Əhməd Xəlil də var. O, “Hizbullah” lideri Həsən Nəsrullahın nəvəsidir.

Xatırladaq ki, bu, təşkilat rəhbərinin qohumlarının öldürülməsi ilə bağlı ilk belə hadisə deyil. Yanvarın 8-də İsrailin Livanın cənubuna endirdiyi hava zərbələri nəticəsində “Hizbullah”ın yüksəkrütbəli komandiri Visam əl-Tavil də həlak olub. O, Nəsrullahın qaynı olub.

Bundan əlavə, Nəsrullahın kürəkəni də yanvarın 24-də ABŞ-nin İraqda 3 hədəfə endirdiyi aviazərbələr nəticəsində öldürülüb. Medianın məlumatında o da qeyd olunub ki, Həsən Nəsrullahın bütün bunlara görə intiqamı qaçılmaz olacaq.