İnsanlıq hələ buna hazır deyil? | Niyə heç kim bu yazıların sirrini aça bilmir? - ARAŞDIRMA

Bu əlyazma sanki oxunmaq üçün yazılmayıb: nə dili məlumdur, nə də hərfləri. Beş yüz ildir heç bir alim bu yazının sirrini aça bilmir.

Səhifələrində bizə tanış olmayan bitkilər, ulduza bənzər simvollar, qəribə sxemlər və su içində təsvir olunan çılpaq qadın fiqurları var.

Bu kitab “Voyniç manuskripti” adlanır. Əlyazma XV əsrin əvvəllərində perqament üzərində yazılıb. Radiokarbon analizləri onun 1400-cü illərə aid olduğunu göstərir.

Mətn bir neçə bölmədən ibarətdir. Bitkilər, səma cisimləri, bürclər və su ilə müalicəni xatırladan təsvirlər yer alır. Rəsmlər sistemlidir, amma məna hələ də qaranlıqdır.

Əlyazmada təxminən 25–30 simvoldan istifadə olunub. Maraqlıdır ki, mətndə heç bir səhv və ya düzəliş yoxdur. Sanki müəllif dili mükəmməl bilirmiş.

Alimlər bu yazının şifrəli dil olduğunu düşünür. Bəziləri isə onun artıq mövcud olmayan bir dilə aid olduğunu deyir. Hətta mətnin qəsdən mənasız yazıldığını iddia edənlər də var.

Bu gün süni intellekt də “Voyniç manuskripti”ni tam oxuya bilmir. Bəs bu kitab nəyi gizlədir? İnsanlıq bu sirri açmağa hazırdırmı?