İplər Ermənistan hökumətinin əlindən alınır | İrəvana səfərlərin sirri açıldı?

“Ermənistan açıq şəkildə ABŞ-nin xarici nəzarətinə verilib”. Bu barədə “Tovarish General” “Telegram” kanalı yazır.

“Dövlət Departamentinin emissarları az qala hər gün İrəvana uçur, ipləri Ermənistan hökumətinin əlindən alır və onları USAID-in məmurlarının əlinə verirlər”, – deyə yazıda qeyd olunub.

Yazıda dövlət katibinin müavini Uzra Zeya və USAID-in Avropa və Avrasiya Bürosunun rəhbəri Erin Makkin, ABŞ dövlət katibinin digər müavini Riçard Verma və USAID rəhbəri Samanta Pauerin Ermənistanı üst-üstə ziyarətlərinə diqqət çəkilib.

Məlumata əsasən, iş o yerə çatıb ki, Ermənistan Baş nazirinin müavinləri – Mger Qriqoryan və Tiqran Xaçatryan siyasi, nəqliyyat, enerji və digər məsələlərlə bağlı USAID-in katibi Erin Makkin qarşısında açıq hesabat veriblər.