İran bu tarixdə vurulacaq, sonra... | Bölgə üçün fəlakət anonsu

Sentyabr ayında İrana hava zərbələri endirilə bilər. Bu barədə “Hürriyet” qəzeti məlumat yayıb.

Türkiyə nəşri yazır ki, ABŞ Prezidenti Donald Tramp İrana hücumdan yana olmasa da, hər şey Tehranla müzakirələrin nəticələrindən asılı olacaq:

“Əgər Vaşinqton və Tehran arasında nüvə danışıqları uğursuz olarsa, o zaman İrana hücum ehtimalı yaranacaq. Xarici mənbələr sentyabr ayını göstərirlər. Müzakirələrin mümkün nəticələri çərçivəsində İrana zərbə endirmək planlarının da nəzərdən keçirildiyi bildirilir.

Bəs ABŞ hücum edəcək, ya İran? Qərb mənbələri İsrailin zərbə endirəcəyini deyirlər. ABŞ zərbə endirməyəcəkmi? ABŞ-nin İrana zərbə endirməyəcəyi, amma İsrailə də mane olmayacağı bildirilir.

İsrailin planları hazırdır. Məlumata görə, İsrail zərbə endirəcək, ABŞ buna mane olmayacaq, logistik dəstək verəcək. Bu da çox təhlükəlidir. Ümid edirik ki, bölgəmizi atəş altında qoyacaq bu plan baş tutmayacaq və ABŞ ilə İran arasında aparılan danışıqlar razılaşma ilə nəticələnəcək. Çünki bu, bölgəmiz üçün fəlakət olardı”.