İran geri addım atmayacaq | İsmail Bəqaidən sərt cavab - Baku TV
Cenevrədə keçirilməsi planlaşdırılan İran-ABŞ danışıqları ərəfəsində Tehran rəsmi Vaşinqtonun və beynəlxalq medianın gözləntilərinə kəskin cavab verib.
İran Xarici İşlər Nazirliyinin sözçüsü İsmail Bəqai ölkəsinin geri addım atmayacağını bəyan edərək bütün "müvəqqəti razılaşma" şayiələrini təkzib edib.
Bəqai mətbuat konfransında çıxış edərək bildirib ki, İran ABŞ ilə hər hansı müvəqqəti sazişə dair yayılan məlumatları təsdiqləmir: "Biz heç bir şayiəni təsdiq etmirik. Tehranın mövqeyi dəyişməz olaraq qalır".
İran rəsmisi ölkəsinə qarşı irəli sürülən "təslimiyyət" şərtlərini də sərt şəkildə rədd edib: "Bizim təslim olmaqla heç bir əlaqəmiz yoxdur və bu, beynəlxalq hüquqa da ziddir. Lakin buna baxmayaraq, Tehran diplomatik yolu davam etdirmək əzmindədir".
Bəqai həmçinin Vaşinqtonla danışıqlar üçün irəli sürülən gizli şərtləri də ifşa edib. O, Beynəlxalq Atom Enerjisi Agentliyinin (MAQATE) zədələnmiş nüvə obyektlərinə baxış keçirməsinin danışıqlar üçün ilkin şərt olması barədə iddiaları təkzib edib. Onun sözlərinə görə, İran öz nüvə proqramı ilə bağlı heç bir kənar təzyiq altında masaya oturmayacaq.
Ekspertlər hesab edirlər ki, Bəqainin bu çıxışı cümə axşamı keçiriləcək Cenevrə görüşü öncəsi İranın əlini gücləndirmək və daxili auditoriyaya "sarsılmazlıq" mesajı vermək məqsədi daşıyır.
#İran Xarici İşlər Nazirliyi teqi istifadə olunub
- İran ABŞ ilə razılaşmanın bağlanmasına hazır olduğunu bəyan edib
- İranın xarici işlər naziri Abbaş Əraqçi Tehranın son qərarını açıqladı - Baku TV CANLI
- İran XİN | "Nüvə problemi hərbi yolla həll edilə bilməz" - Baku TV CANLI
- Əraqçi nüvə proqramı ilə bağlı nəyi açıqladı? - Baku TV
- Rusiya və İran xarici işlər nazirləri nələri müzakirə etdilər? - Baku TV CANLI
