İran-İsrail qarşıdurmasına ekspertlər belə münasibət bildirdi

Tehranda HƏMAS rəhbəri İsmayıl Haniyənin öldürülməsindən sonra İran İsraildən qisas alacağı barəsində müxtəlif siqnallar verir.

Pentaqonun yaydığı məlumata görə, ABŞ İsraili müdafiə etmək üçün bölgəyə hərbi dəstək göndərir.

Ağ Evdən də bildirilib ki, İranın budəfəki təhdidi olduqca ciddidir.

Bütün bunların fonunda İsrail ordusu qırıcılarla Livanı bombalamağa davam edir. İran Xarici İşlər Nazirliyinin rəsmisi isə İsrail və ABŞ-nin addımlarının bölgəni qan gölünə çevirə biləcəyini, burada heç bir qırmızı xəttin qalmadığını açıqlayıb.

Öz növbəsində SEPAH ənənəni pozaraq hücumun vaxtını açıqlamır. Məlumata görə, İsrail hava məkanını bağlayıb. İranın isə İsrailə nəhəng raketlər atacağı bildirilir.

İranın dini lideri Xamenei “X” hesabında “sionist rejim bitdi”, – deyə paylaşım edib. Həmçinin bildirilir ki, Xamenei müharibə səlahiyyətlərinin Prezident Pezeşkiana verilməsi ilə bağlı fərman da imzalayıb.

Bütün bu və ya digər hadisələr, atılan addımlar bizə İranla İsrail arasında müharibənin baş tutacağı barəsində siqnal verir, yoxsa ortada bir müharibə simulyasiyası mövcuddur?