İran Prezidenti ABŞ-ni günahlandırır

İranın Ali Rəhbəri Ayətullah Seyid Əli Xameneinin nüvə silahı ilə bağlı fətvası pozulmayacaq.

Bunu İran Prezidenti Məsud Pezeşkian deyib.

O vurğulayıb ki, İran hazırda nüvə silahı əldə etmək niyyətində deyil.

Prezidentin sözlərinə görə, bu mövqe Ayətullah Xameneinin verdiyi dini fətvaya əsaslanır:

“ABŞ İranın nüvə silahına sahib olmayacağını bəyan etməli olduğunu söylədi. Ali Rəhbər artıq nüvə silahına sahib olmayacağımızı bildirib. Biz insanları öldürürük?! Elə dünən, srağagün ABŞ Prezidenti İranın 32 min insanı qətlə yetirdiyini elan etdi. Biz insanları qətlə yetirdikmi?

Öldürülənləri elan etdik və milli identifikasiya kodlarını təqdim etdik. Kim deyirsə ki, bundan daha artığı var, xahiş edirəm, bunu elan etsin! Etirazları bütün qəlbimizlə qəbul edirik və çatışmazlıqlar qarşısında xalqa bacardığımız qədər xidmət etməyi özümüzə borc bilirik”.

İran Prezidenti qeyd edib ki, Ali Rəhbərin mövqeyi siyasi deyil, dinə və şəriət qanunlarına əsaslanır.