İran Prezidentindən İsrailə hücumla bağlı açıqlama | Qətiyyətlə cavab verəcəyik

“İranın İsrailə raket zərbələri ölkənin “qanuni hüquqlarına” əsaslanıb”.

Bunu İran Prezidenti Məsud Pezeşkian “X”dəki hesabında bildirib.

“Bu addım İranın maraqlarını və vətəndaşlarını müdafiə etmək üçün atılıb. Netanyahu bilməlidir ki, İran müharibəni qızışdıran deyil, lakin istənilən təhlükəyə qarşı qətiyyətlə dayanır. Bu, gücümüzün yalnız kiçik bir hissəsidir. İranla münaqişəyə girməyin”, – deyə M.Pezeşkian vurğulayıb.

O həmçinin İsrailin toxunulmaz olmadığını və dəmir qübbə sistemlərinin aşıla bildiyini göstərdiklərini deyib.

“Bizim hökumət Qərbə və hər kəsə açıq şəkildə bildirdi ki, biz sülh və qarşılıqlı hörmətə dayanan əməkdaşlıq istəyirik. Qərb ağaları sionist rejimini dayandırmadı, İran nüvə proqramını da müzakirə etməyə hazırdır. Təhlükəsizliyimizə qarşı heç bir təhdidi cavabsız qoymayacağıq. Əgər Qərbin siyasi iradəsi varsa, İsraili dayandırsın. İsrail ABŞ olmadan təklənə bilər”, – deyə M.Pezeşkian bildirib.