İran səfirliyindən təcili çağırış | Bu ölkələrə uçuşlar dayanıb - Baku TV

Fevralın 28-i səhər saatlarından İsrail Ordusu İrandakı yüzlərlə hərbi hədəfə hücum edib.

Bu barədə İsrail Müdafiə Qüvvələrinin mətbuat xidməti məlumat yayıb.

Bəyanatda deyilir:

“Aslanın nərəsi" əməliyyatının bir hissəsi olaraq İsrail Müdafiə Qüvvələri kəşfiyyat məlumatlarına əsasən İranın qərbindəki raket buraxıcıları da daxil olmaqla yüzlərlə İran hərbi hədəfinə hücum edib. Raket buraxıcılarından əlavə, zərbələr İranın qərbindəki geniş spektrli obyektləri hədəfə alır”.

Qeyd edək ki, İsrailin hücumları nəticəsində İranın Minab şəhərində qızlar üçün ibtidai məktəbdə 40-dan çox şagird həlak olub. Hadisə nəticəsində xeyli sayda xəsarətalan var. İran tərəfindən İsrail ərazisinə təxminən 35 ballistik raket buraxılıb. Raketlərin bir hissəsi Hava Hücumundan Müdafiə vasitələri tərəfindən zərərsizləşdirilib, digərləri isə açıq ərazilərə düşüb.

İsrailin “Israir” aviaşirkəti bazar ertəsi səhər saatlarına qədər İsrailə və İsraildən bütün reyslərin, o cümlədən daxili reyslərin ləğv edildiyini bildirir.