İran və İraq vahid dövlət olacaq? | Ekspert nələri açıqladı? - Baku TV

ABŞ və İran arasındakı müharibənin bir ay tamamında İranın Ali Rəhbərindən gözlənilməz təklif gəlib.

İddialara görə, Müctəba Xamenei İraq xalqına və dini liderinə bu savaşda Tehrana verdiyi dəstəyə görə təşəkkürünü bildirməklə ABŞ və İsrailin məğlub ediləcəyi təqdirdə İraq və İranın vahid dövlət olması təklifi ilə çıxış edib.

Bəs doğrudanmı regional yaxınlığı olan bu iki ölkə iddia edildiyi kimi vahid dövlətə çevrilə bilər?

Beynəlxalq münasibətlər üzrə ekspert İsmail Cingözün sözlərinə görə, İran və İraqın demoqrafik strukturu buna imkan vermir:

“Bununla yanaşı, 1980–1988-ci illər İran-İraq müharibəsi zamanı yaşananlar yaddaşlardan silinməyib və həmin müharibənin iştirakçıları hələ də həyatdadırlar. Eyni zamanda bu iki ölkə arasında idarəetmə formaları və dünyaya baxış bucaqlarının bir-birinə uyğun olmaması unudulmamalıdır. Belə bir vəziyyət idarəetmə səviyyəsində qəbul edilsə belə, xalqlar və vətəndaşlar bunu əsla qəbul etməzlər”.