İran və İsraildən sensasiyalı mesajlar | Tehran nüvə proqramından əl çəkəcək?

"İsrail İrana qarşı müharibədə "tarixi qələbə"yə nail ola bildi".

Bunu İsrailin Baş naziri Benyamin Netanyahu xalqa videomüraciətində deyib.

"İsrail İranın nüvə layihəsini dondurub. Əgər kimsə bu layihəni dirçəltmək istəsə, belə bir cəhdin qarşısını almaq üçün eyni qətiyyət və qüvvə ilə hərəkət edəcəyik", ‒ deyə Baş nazir bildirib.

İranın xarici işlər naziri Abbas Ərağçi isə “Al-Araby al-Jadeed"ə müsahibəsində deyib ki, İran İsraillə müharibədən sonra belə nüvə proqramından əl çəkməyəcək.

Onun sözlərinə görə, İsraillə 12 günlük müharibədən sonra Tehran daha qətiyyətli olub.

"Biz bu texnologiyalara həddindən artıq sərmayə qoymuşuq. Alimlər öldü, xalq sanksiyalara məruz qaldı, bizə qarşı müharibə başladıldı. İranda heç kim bu proqramdan əl çəkməyəcək.

O, həmişə Atom Enerjisi üzrə Beynəlxalq Agentliyin nəzarətində olub", ‒ deyə A.Ərağçi bildirib.