İrana hücuma hazırıq! | İsrailin müdafiə naziri xəbərdarlıq etdi

23 oktyabr 2024 364 baxış

“Hərbi Hava Qüvvələri bu məsələdə əsas elementdir və bizə zərər verməyə çalışan hər kəs zərər görəcək. Bu, İran üçün də keçərlidir. Biz İrana hücum etdikdən sonra onlar həm İsraildə, həm də digər yerlərdə sizin hazırlıq prosesinizin nədən ibarət olduğunu başa düşəcəklər. Bizim sizin qoşunlarınıza, şəxsən hər birinizə çox yüksək etimadımız və təbii ki, İsrail Ordusuna tam inamımız var”.

Bunu İsrailin müdafiə naziri Yoav Qallant bildirib.

O qeyd edib ki, hər yerdə onları incitməyə çalışıblar, ağır bədəl ödəyiblər və bir il əvvəl Qəzzada onları məğlub etmək arzusunda olanlar bu gün Yəhya Sinvarın aqibətini görüblər.

“Sizin yeddi cəbhədə müharibədə iştirak etmək hüququnuz var deyə düşünürsünüz? Bütün bu cəbhələrdə SAXAL və Hərbi Hava Qüvvələrimizlə rastlaşacaqsınız – Qəzza, Livan, Yəhudeya, Samariya, Suriya, İraq, Yəməndə. Biz İrana hücum etdikdən sonra onlar İsrailin nə qədər hazırlıqlı olduğunu anlayacaqlar”, – deyə Y.Qallant bildirib.

#İsrail Müdafiə Nazirliyi