İranda molla rejiminə nifrət pik həddə çatıb
İranda molla rejiminə, hökumətə qarşı keçirilən etiraz aksiyaları aylardır səngimir.
Ölkədə vətəndaşların edam olunması, qadınların hüquqlarının pozulması, insan haqlarına məhəl qoyulmaması səbəbindən aksiya iştirakçıları indi də bayraqları yandırırlar.
Sosial şəbəkələrdə ölkənin Pave şəhərində bayrağa od vurulması ilə bağlı videogörüntülər yayılıb. Narazı kütlə bu kampaniyanın davamlı olması üçün digər şəhərlərə də çağırış edib.
Qeyd edək ki, ötən ilin sentyabr ayından Məhsa Əmininin ölümündən sonra İranı kütləvi iğtişaşlar və aksiyalar dalğası bürüyüb. İnsanlar tapdalanan hüquqlarının bərpasını tələb edirlər. Etirazçılar küçələrə çıxaraq İranın ali rəhbəri Seyid Əli Xameneiyə aid plakat, baner və fotoları yandırır, ayrı-ayrı dövlət qurumlarına od vururlar.
![icon](/images/loading.png)