İranda partlayış törətmək istəyənlərə ölüm cəzası verildi

İran İsrailin kəşfiyyat və xüsusi əməliyyatlar xidməti "Mossad"la əlaqəli olduğunu iddia etdiyi dörd nəfəri edam edib.

Onlar "Mossad" üçün əməliyyatlar həyata keçirməkdə ittiham ediliblər. İranın dövlət mediası edam edilən dörd nəfərin İrana İraqın Kürdüstan regionundan daxil olduqlarını və İsfahanda ölkənin Müdafiə Nazirliyi üçün avadanlıqlar istehsal edən zavodda partlayış törətmək istədiyini bildirib.

Məlumata görə, həmin şəxslər partlayışı 2022-ci ilin yayında törətmək istəyiblər, lakin İranın daxili kəşfiyyat xidmətləri tərəfindən əməliyyatın qarşısı alınıb.