İrandan Ermənistana sərt tənqid: İranlı nazir Mirzoyanı pərt etdi
İranın xarici işlər naziri Hüseyn Əmir Abdullahiyanla ermənistanlı həmkarı Ararat Mirzoyan arasında telefon danışığı olub.
“Azad İran” “Telegram” kanalı məlumat verir ki, telefon danışığı zamanı İran XİN rəhbəri Ermənistan və ABŞ arasında keçirilən hərbi təlimlərə toxunaraq bölgədə hər hansı xarici qüvvələrin mövcudluğunu regionda vəziyyəti çətinləşdirən amil kimi dəyərləndirib.
İranlı nazir habelə Araz çayının çirklənməsinin qarşısının alınmasına dair yol xəritəsinin həyata keçirilməsini bu ekosistemin sağlamlığının qorunması baxımından həyati vacib adlandırıb.
O, eləcə də regional dialoqlar və mexanizmlər, o cümlədən “3+3” formatı vasitəsilə hərtərəfli sülhə nail olmağın ən səmərəli yol olduğunu vurğulayıb.
Öz növbəsində Ermənistan xarici işlər naziri Ararat Mirzoyan da İranla əlaqələrin inkişafını konstruktiv və mühüm adlandırıb.