İrandan İrana sərt reaksiya | SEPAH-ı gözləyən cəza

İraq hökuməti İslam İnqilabı Keşikçiləri Korpusunun İraq Kürdüstanının inzibati mərkəzi olan Ərbilə endirdiyi raket zərbəsi ilə bağlı BMT Təhlükəsizlik Şurasına şikayət etmək niyyətindədir.

Bu barədə ərəb respublikasının Xarici İşlər Nazirliyi məlumat yayıb.

Bildirilib ki, İraq hökuməti İranın yaşayış binalarına ballistik raketlər atmasını və dinc əhali arasında ölümlə nəticələnən hücumunu şiddətlə qınayır. Bağdad baş verənləri respublikanın suverenliyinə qarşı təcavüz kimi qiymətləndirir.

BMT-nin rəsmi nümayəndəsi isə İranın Ərbil şəhərindəki hücumunu pisləyərək problemlərin tələfatsız həllinin tərəfdarı olduqlarını bildirib. Əlavə edib ki, təhlükəsizlik məsələləri zərbələrlə deyil, dialoq yolu ilə həll edilməlidir.

İraq hökuməti həmçinin SEPAH-ın Ərbilə endirdiyi zərbəni araşdırmaq üçün komissiyanın yaradılmasına da göstəriş verib. İstintaqın nəticələri ictimaiyyətə təqdim olunacaq.