İranın hücumu zamanı İsrailin hansı bölgələri vuruldu?

İranın hücumu ilə əlaqədar İsraildə şiddətli partlayışların qeydə alındığı bildirilir.

Yerli mediada yayılan məlumatlara görə, İran dronlarından ilki ərəb-müsəlman sakinlərinin sıx yaşadığı İsrailin Umm Əl-Fəhm şəhərinə düşüb, bir qismi isə Qüds səmasına daxil olub. Bəzi əyalətlərdə sirenalar çalmağa başlayıb.

İsrailin Dimona nüvə reaktorunun hücuma məruz qaldığı iddia edilir. Başqa bir məlumata görə, İranın 7 ballistik raketi İsrail Hərbi Hava Qüvvələrinin Negev səhrasındakı bazaya düşüb.

İsrail Müdafiə Nazirliyi İrana məxsus 100-dən çox PUA-nın zərərsizləşdirildiyini bildirib. SEPAH isə öz növbəsində hədəfləri uğurla məhv etdiyini, ilk buraxılışda 70, ikinci dəfə 80 raketin atıldığını diqqətə çatdırıb.

Bütün bunlarla yanaşı, ABŞ-nin NBC televiziyası amerikalı rəsmilərə istinadən Prezident Cozef Bayden Administrasiyasının İrana qarşı böyük hücuma hazırlaşdığını qeyd edib.