İranın qarşısındakı 2 kritik məsələ | Bəqaidən dünyaya səs salacaq mesajlar - Baku TV

“Son 24 saat ərzində biz bu məsələni daha ətraflı araşdırdıq və nəticədə, belə qənaətə gəldik ki, daha məqsədəuyğun variant mətnin iki ölkənin prezidentləri tərəfindən virtual şəkildə imzalanmasıdır. Yəni bunun baş tutması üçün onların hər hansı konkret məkanda fiziki olaraq iştirak etməsinə ehtiyac yoxdur”.

Bu sözləri İran Xarici İşlər Nazirliyinin sözçüsü İsmayıl Bəqai deyib.

O bildirib ki, diqqətin müharibənin dayandırılmasına yönəlməsi razılaşdırılmışdı və İran bu vəzifəni yerinə yetirib:

“Mətn iki ölkənin ən yüksək səviyyəli rəhbərləri tərəfindən imzalandıqda təbii olaraq onun pozulmasının siyasi və hüquqi dəyəri daha yüksək olur. Keçmiş təcrübəmizi nəzərə alaraq bizim üstün tutduğumuz variant bu idi. Anlaşma memorandumunun imzalanmasından dərhal sonra başlayacaq 60 günlük müddət ərzində biz bu sənədin müəyyən hissələrinin icrası ilə bağlı detalları işləyib hazırlamalı, həm də iki çox mühüm məsələ – sanksiyaların aradan qaldırılması və nüvə məsələsi üzərində çalışmalıyıq”.