İranın yeni ali dini lideri kim olacaq? - Baku TV

İran Silahlı Qüvvələri ABŞ-nin Küveytin Əl-Adiri rayonundakı helikopter bazasına zərbələr endirib.

Bu barədə İran İslam İnqilabı Keşikçiləri Korpusu məlumat yayıb.

SEPAH-ın açıqlamasına görə, zərbələr nəticəsində bazanın helikopter təlim və təmir mərkəzinə, yanacaq ehtiyatlarına, həmçinin bazanın komandanlıq binasına ciddi ziyan dəyib.

Bu arada İranın Ekspertlər Şurası İslam Respublikasının ali rəhbərinin seçimi ilə bağlı konsensus əldə edib. Bu barədə Şuranın üzvü Məhəmməd-Mehdi Mirbaqeri bildirib.

Onun sözlərinə görə, əksəriyyətin rəyini təşkil edən möhkəm və yekdil fikir formalaşıb. Mirbaqeri həmçinin qeyd edib ki, gündəlikdə həll edilməli olan bəzi məsələlər mövcuddur.

Ekspertlər Şurasında Xuzistan əyalətini təmsil edən Əmirrza Hedayi sədri yeni liderin adını mümkün qədər tez açıqlamağa çağırıb. "Mehr" agentliyinin məlumatına görə, şura nümayəndələrinin əksəriyyəti bir nəfərin namizədliyi ilə razıdır və ictimaiyyət onun adının elan olunmasını tələb edir.