İsrail alimləri xəbərdarlıq edib

İsraildə aparılan yeni elmi tədqiqat ekosistemlərin su dövranı ilə bağlı mövcud təsəvvürləri dəyişdirə bilər.

İsrailin mediası xəbər verir ki, bu barədə Veyzman Elm İnstitutu araşdırma aparıb.

Bildirilib ki, bitkilər suyu müəyyən həddə qədər buxarlandırır və bu səbəbdən yağış azalsa belə, su itkisi ciddi şəkildə azalmır.

Araşdırmaya görə, bu vəziyyət çaylar, yeraltı sular və kənd təsərrüfatı üçün istifadə olunan su ehtiyatlarının daha sürətli azalmasına səbəb ola bilər.

Tədqiqatçılar bildiriblər ki, hətta yağıntının azalması belə mövcud su ehtiyatlarında nəzərəçarpacaq itkilərə gətirib çıxara bilər. Bu məqsədlə su resurslarının daha dəqiq qiymətləndirilməsinə imkan verən yeni göstərici hazırlanıb.

Alimlərin fikrincə, nəticələr xüsusilə quraq bölgələrdə su təhlükəsizliyi risklərinin daha yüksək olduğunu göstərir və su idarəetmə modellərinin təkmilləşdirilməsini zəruri edir.

Dünya Resursları İnstitutunun məlumatlarına görə, planetdə su qıtlığından ən çox əziyyət çəkən ölkələr əsasən Yaxın Şərq və Şimali Afrika regionlarında cəmləşib.