İsrail bəzi ökələrdəki səfirliyini bağladı

İsrailin ABŞ də daxil olmaqla, bir sıra ölkələrdəki səfirlikləri fəaliyyətlərini müvəqqəti dayandırıb.

ABŞ-dəki səfirlik əməkdaşları həmkarlar ittifaqının, bütün dövlət qulluqçularının məhkəmə islahatlarına etiraz etmək üçün meydana çıxmaq barədə çağırışlarına qoşulublar. Ölkənin Vaşinqtondakı səfirliyi növbəti qərara qədər bağlı qalacaq və həmin müddətdə konsulluq xidməti göstərilməyəcək.

ABŞ ilə yanaşı, İsrailin Gürcüstan, Fransa, Belçika, Cənubi Afrika Respublikası, Estoniya və Finlandiyadakı səfirlikləri də fəaliyyətini müvəqqəti dayandırıb. Diplomatik nümayəndəliklər yalnız fövqəladə xidmətlər göstərəcək.

İsrailin Gürcüstandakı səfirliyinin sosial şəbəkə hesabında da bununla bağlı məlumat paylaşılıb. Qeyd olunub ki, İsrailin Histadrut Həmkarlar İttifaqının elan etdiyi ümumi tətillə bağlı bu ölkənin Tbilisidəki səfirliyi martın 27-dən növbəti xəbərdarlığa qədər fəaliyyətini dayandırır. Tətil dövründə konsulluqda qəbullar keçirilməyək, xidmət göstərilməyəcək. Təcili yardım xəttinin isə həmişəki qaydada fəaliyyətini davam etdirəcəyi bildirilib.